Kery James

Frantziako hip-hop eszenaren ezinbesteko figura da Kery James, eta baita idazlea, rap kantaria, antzerkigilea eta aktorea ere. Badu hogeita hamar urte baino gehiago ezagun egin zela bere hitz landuen kalitateagatik, biziki sentikorra izateagatik eta desberdintasunen eta diskriminazioen kontrako bere engaiamendu sozialagatik.

Eszenatokian, bere balioei eta engaiamenduari leial, Kery Jamesek rap kontzientea berriz asmatzen du. Hiz jario zorrotzeko bere kantu klasikoak berriz moldatzen ditu, eta R.A.P (Résistance, Amour et Poésie) disko berriko kantuak jotzen ditu, DJ, bateria joile eta teklatu joile batez inguraturik. Bere kantuen hitz sakon eta erradikalek gaurkotasun handiko gaiak jorratzen dituzte –hala nola poliziaren indarkeria, Palestinako genozidioa edo komunikabideak–, bere sustrai haitiarrak kontatzen dituzte eta bere amari omenaldia egiten diote.

Ikuskizun indartsua, energiaz eta emozioz betea.