En legint lo programa de la sason qu'esitatz, per non pas saber quaus camins artistics préner, cap a l'abonde de proposicions ? Ne coneishetz pas tau artista o tau companhia e que'vs demandatz çò qui'vs poiré decidir de’us viéner descobrir ?
Que'vs perpausam mantrun "camin d'espectators" qui amassa espectacles dab tematicas, fòrmas o repertòris comuns o mei precisament complementaris. Que son autandas faiçons de pausar un espiar sus un subjècte, autandas faiçons d’arrecaptà’s un autor o un art, autandas variacions dab un medish tèma.
A la faiçon deus conselhs de lecturas qui’vs heré un librari, ne son pas ací que suggestions, shens nada constrenta ligada a la bilheteria dens la composicion deu vòste camin, lo principi de la carta d'adesion que’vs daisha libra de las causidas.