La Scèna nacionau deu Sud aquitan
La Scèna nacionau deu Sud aquitan que perpausa cada sason mei de 50 espectacles organizats en diferents teatres e lòcs de las vilas de Baiona, Anglet, Lo Bocau e Sent Joan de Lus. Scèna pluridisciplinària, que hè partida d'un hilat de 78 establiments labelizats peu Ministèri de la Cultura e que sostien activament la creacion e la difusion artisticas contemporanèas dens lo maine de l'espectacle viu, en tot cercant l'accès permanent de tots los publics a las òbras presentadas.
Dempuish la sason 19/20, la creacion d'un Establiment Public de Cooperacion Culturau e la nominacion de Damien Copet a la direccion de l'establiment, qu'es un navèth projècte artistic e culturau qui’s hè. Entà har reclam a las riquessas lingüisticas e a la diversitat culturau deu parçan, los espectacles arcuelhuts que hèn enténer lencos de las sonoritats multiplas e crotzà’s fòrmas e disciplinas. Teatre, dança, musica, circ, creacions partatjadas, obradors, encontres, granas classas… numerós rendètz-vos que v'espèran a la Scèna nacionau !
La Scèna nacionau deu Sud aquitan que hè partida deu hilat de las 78 scènas nacionaus despartidas suu territòri metropolitan e delà las mars, dab missions qui son definidas peu Ministèri de la Cultura en tres camps de responsabilitats :
- La responsabilitat artistica, , per la proposicion hèita a ua populacion d'ua programacion pluridisciplinària qui amuisha los corrents màgers de la produccion actuau, especiaument en mestior d’espectacle viu ; aquera responsabilitat que’s hè tanben entaus quites artistas en ne facilitant lo tribalh de cèrca e de creacion ;
- La responsabilitat professionau, entà perlongar l'amainatjament culturau deu parçan qu’an permetut, las scènas nacionaus que deven tanben d'ara enlà entrainar, animar e referenciar lo gran paisatge de la creacion e de la difusion artisticas qui las atorejan ;
- La responsabilitat publica, qu’es la consideracion permanenta portada a un parçan e a la populacion, dab totas las lors particularitats. Aqueth parçan que pòt aver la talha d'ua grana aglomeracion, la d'un departament o mei, segon la diversitat e l'importància de las alianças publicas hèitas.
Qu'es a partir d’aqueras missions comunas que's desteca los projèctes artistics e culturaus de cada direccion de las scènas nacionaus.
De la creacion en 1990 enlà, la Scèna nacionau deu Sud aquitan que s'i hè entà alargà’s la composicion sociologica deus publics e la ola d’arrajada, dab espectacles e manifestacions representatius de la creacion contemporanèa.
Entad aqueth projècte, la Scèna nacionau deu Sud aquitan que s’i hè dens los equipaments culturaus que gavida o qui son hicats a disposicion : lo teatre Michel Portal de Baiona, lo teatre Quintau d'Anglet, la sala Apollo deu Bocau e lo Centre Culturau Peyuco-Duhart de Sent Joan de Lus ; mes tanben a l’airejada, suus parçans de la Comunautat d'Aglomeracion País Basco e en çò de mantrun aliat culturau
Deu 1èr de genèr de 2019 enlà, l'ensemble de las activitats e ressorsas de la Scèna nacionau, portat dinc alavetz per ua associacion lei 1901, qu'estó transferit a l'Establiment Public de Cooperacion Culturau (EPCC) deu Sud aquitan, creat a l'iniciativa conjunta de l'Estat e de las collectivitats territoriaus, qui prenen part au finançament :
Region Navèra Aquitània, Departament de Pirenèus Atlantics, vilas de Baiona, Anglet, Lo Bocau e Sent Joan de Lus.
L'Establiment Public de Cooperacion Culturau deu Sud aquitan qu’es sòci deu Comitat nacionau de ligam deus EPCC, qui amassa 70 establiments en França metropolitana e delà la mar.
Lo Conselh d’administracion de l’EPCC deu Sud Aquitan, presidit per Monsur Jean-Pierre Laflaquière, qu’es compausat atau :
SÒCIS DE DRET
Estat
- Christopher Miles - Director generau de la creacion artistica
- Maylis Descazeaux - Directora regionau deus ahars culturaus de la region Navèra Aquitània
- Mathieu Duhamel - Sosprefècte de Baiona
Region
- Sandrine Derville - Vicepresidenta deu Conselh regionau Navèra Aquitània
- Mathieu Bergé - Conselhèr regionau Navèra Aquitània
Departement
- Nicole Darrasse - Conselhèra departamentau deu Pirenèus Atlantics
- Joseba Erremundeguy - Conselhèr departamentau deu Pirenèus Atlantics
Mairetat de Baiona
- Sophie Castel - Adjunta deu maire
- Yves Ugalde - Adjunt deu maire
- Émilie Larroze-Francezat - Conselhèra municipau
Mairetat d’Anglet
- Claude Olive - Maire d’Anglet
- Jean-Pierre Laflaquière - - Adjunt deu maire
- Christiane Bossavie - Conselhèra municipau
Mairetat deu Bocau
- Francis Gonzalez - Maire deu Boucau
Mairetat de Sent Joan de Lus
- Pello Etcheverry - Adjunt deu maire
- Laurence Ledesma - Adjunta deu maire
PERSONAS QUALIFICADAS
- Delphine Bonvoisin
- Claire Duchez
- Florence Pradayrol
- Benoît Thieullent
- Julie Valère
REPRESENTANTS DEU PERSONAU
- Mélina Dufourg & Roxana Ghita
Comptable public de l’EPCC
- Claire Almodovar
Las Scènas nacionaus que son missionadas entad abraçar l'ensemble deu camp de l'espectacle viu : teatre, dança, circ, etc.
Las fòrmas esteticas desparièras, los rapòrts au public, las experimentacions, lo cinèma d'autor, la creacion d’arts plasticas, la cultura scientifica, que son lo camp artistic dab lo quau los establiments se hèn la programacion, en mesclant lo mei sovent sason e temps hòrts de hestaus.
Uei, lo hilat de las scènas nacionaus qu'es hèit de 78 estructuras qui s’estàn en metropòli e delà la mar.
LAS SCÈNAS NACIONAUS QUE S'ENGATJAN A :
- obrí’s a las arts e au monde, estar gavidadas per professionaus qui practican la curiositat en tot camp de l'espectacle viu, de las arts visuaus, deu cinèma, o tanben de las arts plasticas deu nivèu nacionau e internacionau,
- aviar suu parçan ua dinamica de collaboracion e federar los actors deu lòc d'influéncia,
- sostiéner e acompanhar la creacion, mesclar exigéncia artistica, malhatge territoriau e circulacion de las òbras,
- sollicitar la joenessa e las familhas, balhà’s lo temps entà imaginar, estar a l'escota, encontrar, consirar entà har passar la hami de l'art,
- implicar la populacion, convidar, balhar en partatge e contribuir a l'encontre de la populacion dab los artistas.
ENTÀ LA REALIZACION DE LAS MISSIONS
L'establiment Public de Cooperacion Culturau deu Sud aquitan que cruba las contribucions deu Ministèri de la Cultura / Direccion Regionau deus Ahars Culturaus Navèra Aquitània, de la Region Navèra Aquitània, deu Departament de Pirenèus Atlantics e de las Mairetats de Baiona, Anglet, Lo Bocau e Sent Joan de Lus.
