Accessibilitat

La Scèna nacionau que s’avisa fòrt de l'arcuelh de las personas en situacion de handicap. Dispositius d'acompanhament adaptats que son hicats en plaça (arcuelh prioritari, politica tarifària especifica...) entà har un teatre accessible a tots. Entà’n beneficiar, que hè besonh d’ac indicar tanlèu la reservacion de las plaças d'espectacles.

Las personas beneficiàrias de l'allocacion taus adultes handicapats qu’an la carta aderent, redusit deu prètz de 6 € dab la presentacion d'un justificatiu. Entà las personas dab un handicap qui hè hrèita la preséncia d'un acompanhador, aqueste que pòt beneficiar de la gratuitat.

Entà’n saber mei, vólhitz contactar Véronique Elissalde, encargada de las relacions dab los publics : veronique.elissaldescenenationale.fr
 

Arcuelh de las personas en situacion de handicap

ESPECTATORS DE MOBILITAT REDUSIDA

La màger part de las salas e deus espectacles que son atenhedís a las personas en fautulh mecanic e de mobilitat redusida:

Plaças reservadas a las personas en fautulh mecanic dens las salas dinc a tres jorns abans la data de la representacion (entà’n beneficiar, mercés d’ac indicar au moment de la reservacion)..
—
Accès facilitat per la preséncia de rampas e de pujaderas
—
Arcuelh prioritari (presentatz-vos a la bilheteria lo ser de la representacion entad estar acompanhat·da a la vòsta plaça)

ESPECTATORS MAUENTENENTS O ISHORDS

Sistèma d'amplificacion sonòra au teatre de Baiona e dens la grana sala deu teatre Quintau d'Anglet : prèst de cascos audio dab ua pèça d'identitat.

Entà’n beneficiar, mercés de’us reservar per corric au mensh 3 jorns abans la representacion ad aquesta adreça :

veronique.elissaldescenenationale.fr

 

 

ESPECTATORS ÒRBS O D’UELHFEBLES

Mesa a disposicion deu programa de sala los sers deus espectacles dab caractèrs agrandits e contrastats (entà’n beneficiar, mercés d’ac senhalar a la bilheteria au mensh ua setmana abans la representacion).

—
Arcuelh prioritari (presentatz-vos a la bilheteria lo ser de la representacion entad estar acompanhat·da a la vòsta plaça).

—

Representacions prepausant un servici d'audio-descripcion 

Entà’n beneficiar, mercés de’us reservar per corric au mensh 3 jorns abans la representacion  ad aquesta adreça : veronique.elissaldescenenationale.fr

Neige

Pauline Bureau / La part des anges
ven. 19.12.25 > 20 h
Bayonne > Théâtre Michel Portal

Bovary Madame

jeu. 26.02.26 > 20h
Anglet > Théâtre Quintaou

Après le feu

Sarah Seignobosc
dim. 22.03.26 > 17h
Bayonne > Théâtre Michel Portal