web radio
La web ràdio de la Scèna nacionau deu Sud-aquitan que prepausa contienuts inedits entà perlongar lo temps de l'espectacle e apressar en mei près las desmarchas artisticas e tematicas abordadas. Que prepausa tot lo long de la sason deus podcasts e emissions dedicadas a la programacion. Qu'ei tanben un instrument de descobèrta de l'art e de desvelh a l'espectacle viu quan s'adreça a tots los publics, sustot aus plus joens..
Enregistrada en public e animada per diferents intervienents, jornalistas, critics o universitaris, cada emission qu'auhereish un espaci navèth d'expression on los artistas an la paraula entà crear formats unics : lecturas, creacions radiofonicas, encontres aumentats o experiéncias radiofonicas. reportatges que balharàn egaument la paraula aus espectators entà reculhir e partatjar los lors avís. Artistas, partenaris e auditors que constituïràn atau la memòria de la Scèna nacionau . Per la gràcia de las modulacions de la votz, dens un monde on tot va tostemps tròp lèu, que partatjan la medisha volontat de doçor, las medishas òras entà la calma e la pensada. N'esperatz-pas mei, rejunhetz-nse e que prenetz lo temps de l'escota, de la saunejada...
Los Micros liures que balhan la paraula au public . La ràdio qu'ei ací un instrument de descobèrta de l'art e de desvelh a l'espectacle viu entà tots, sustot los mei joens. Talhèrs, reportatges, experiéncias radiofonica que son prepausats tot lo long de la sason .
Retrobatz sustot « los reportaires Petits », ua seria d'emissions realizats peus escolans de l'opcion web ràdio deu collègi Albert Camus. Los lors micros que's passejan a la Scèna nacionau a l'encontre deus artistas e deus espectators. Mes d'alhors, qu'ei qué un artista ? E aqueth espectacle, que n'avetz que pensatz qué ?