Angélique Kidjo & l'Orchestre national Bordeaux Aquitaine

Ikaragarrizko kontzertua! 

Afrikako musika garaikidearen egiazko ikonoa da Angélique Kidjo: besteak beste, bost Grammy sari irabazi ditu! Inork ez bezala nahasten ditu musika generoak, Afrikako musika tradizionaletik hasi eta poperaino, jazz, funk eta rocketik pasatuz. Kantuen hitzetan giza eskubideak, genero berdintasuna eta justizia soziala bezalako gaiak aipatzen ditu.

Kontzertu bikain honetarako, Beningo artistak Orchestre National Bordeaux Aquitaine orkestra izanen du lagun. Emozioen, bestaren eta birtuosismoaren arteko elkarrizketa honek musika-bidaia bizi eta emankor batean murgilduko zaitu, kantari argitsu batek gidaturik.