Rosemary Standley & Les Musiciens de Saint-Julien

Musika jakintsuaren eta magia zeltaren artean

Britainia Handiko atzoko eta gaurko musiken zaletasuna partekatzen dute Rosemary Standley abeslariak (Moriarty eta Birds on a Wire taldeetako kantaria) eta Les Musiciens de Saint-Julien taldeko musikariek. Hala, folk musikaren eta antzinako musikaren arteko elkarrizketa delikatua bideratzen dute. Eskoziar eta irlandar inspirazioko balada anglozeltiko horiek mendeak eta mugak zeharkatu dituzte, eta Joan Baez edo Simon & Garfunkel bezalako artistei esker famatu egin dira horietako batzuk.

Hélène Richauxen eta Enea Soriniren kontrakantuek lagundurik, Rosemary Standleyren ahots zoragarria goratzen da inguruan dituen antzinako musika tresnen –flautak, kornamusak, orfarioia, harpa barrokoa, tinpanoia, ganba-biola, biolontxeloa eta Irlandako danborrak– atseginen artetik.