Orchestre du Pays-Basque - Iparraldeko Orkestra

Zatoz urte berria eguzkipean ospatzera, erritmoz eta kolorez beterik! 2027ko urte berriko kontzertu honetarako, Benjamin Levyk eta Iparraldeko Orkestrako musikariek Latinoamerikako musiketan barna bidaia bero bat egitera gonbidatuko zaituzte. Gershwinen oldar kubatarretatik Bernsteinen mamboaren taupada geldiezinetara, pasioz beteriko musika ospatuko da gaualdi horretan. Arturo Márquezen obrek Mexikoko erritmoak besarkatuko dituzte, eta Ginasterak Argentinaren indar telurikoa entzunaraziko du. Tico-Tico no Fubá-ren birtuosismo dirdiratsuaren bidez present izanen da Brasil. Cyrille Lehn-en Carnaval de Saint-Pierrek ukitu kreole, sutsu eta xarmagarria emanen du. Egitarau bero eta dantzagarria, energia positiboz bete eta urte berria ezin hobeki hasteko!