WAYQEYCUNA

En lenco quéchoa, Wayqeycuna – – literaument "los mens hrairs" – que designa tanben los ligams de sang e la comunautat deu nòrd d'Argentina de la quau vient Tiziano. 

En aquera pèça autobiografica qui mescla istòria familiau e critica deu colonialisme, aqueth ambaishador deus pòbles invisibilizats que pòrta, dab un rituau autoctòne, ua quèsta de patz a l’endehens e de reconciliacion. 

Wayqeycuna qu'es la tresau part d'ua trilogia autobiografica aviada quand so morí la sòr dab cada partida concebuda com ua canta. Arron lo tristèr e la malícia qu’arriba lo temps de la reconciliacion e de l'abandon : daishar la cultura europèa e la lenco espanhòla entà arrevità’s los arraditz de la tasca.  

L'artista que’ns parla dab mots e imatges de la vita suus planèrs andins. Au las gaujors e aus jòcs deus mainatges, a las tradicions amassairas e hestivas, que's mesclan la praubèra, la hòrabandida, lo dangèr. Aquera arretròba de si medish que passa per rituaus ancestraus. Qu’a la poesia dolorosa. Wayqeycuna que pòrta ua fòrma de conclusion. Ua fòrma sonque, pr'amor com lo dòu, la canta de Tiziano Cruz n'acaba pas jamés vertadèrament. Que’ns contunha de tribalhar a l’endehens bèra pausa après la fin. 

                    "Entre tu y yo quièn pedirá perdón ? "